21.01.2013ԱԴՐԲԵՋԱՆԱԿԱՆ ՍՈՑԻԱԼԱԿԱՆ ՄԵԴԻԱՆԵՐԸ
«Նորավանք» ԳԿՀ Տեղեկատվական հետազոտությունների կենտրոնի փորձագետ
Ինչպես ողջ աշխարհը, Ադրբեջանը ևս գտնվում է սոցիալական մեդիաների բուռն աճի ազդեցության տակ: Այստեղ ինտերնետ օգտատերերի թիվն արդեն գերազանցում է բնակչության կեսը (Նկար 1):
Նկար 1
Ինտերնետ օգտատերերի թվի աճն Ադրբեջանում 2001-2011թթ., ըստ Համաշխարհային բանկի տվյալների
Այստեղ թիվ 1 սոցիալական ցանցը Ֆեյսբուքն է. 2013թ. հունվարի 10-ի տվյալներով՝ 984 հազ. 700 ակտիվ օգտատեր (Նկար 2)։
Նկար 2
Facebook.com սոցիալական ցանցի ադրբեջանական լսարանի աճը 2012թ. օգոստոս-դեկտեմբերին, տվյալները՝ ըստ Socialbakers.com համակարգի
Հետաքրքիր է բաշխումն ըստ սեռի և տարիքի: Այսպես, արական սեռի ներկայացուցիչները Ֆեյսբուքի ադրբեջանական մասում կազմում են օգտատերերի մոտ երկու երրորդը, ինչը կարող է խոսել հասարակության մեջ արգելքների առկայության մասին: Նաև պետք է հաշվի առնել, որ ընդհանուր առմամբ երիտասարդ սերնդի մեջ առկա են ժողովրդագրական շեղումներ1: Իսկ 18-24 տարեկանների թիվն այստեղ կազմում է օգտատերերի ուղիղ կեսը (Նկար 3): Համեմատության համար նշենք, որ Հայաստանում բաշխումն ըստ սեռերի հավասարաչափ է (Նկար 4):
Նկար 3
Facebook.com սոցիալական ցանցի ադրբեջանական լսարանի բաշխումն ըստ տարիքային և սեռային հատվածների, տվյալները՝ 2013թ. հունվարի դրությամբ, ըստ Socialbakers.com համակարգի
Նկար 4
Facebook.com սոցիալական ցանցի հայաստանյան լսարանի բաշխումն ըստ տարիքային և սեռային հատվածների, տվյալները՝ 2013թ. հունվարի դրությամբ, ըստ Socialbakers.com համակարգի
Ինչ վերաբերում է այլ սոցիալական ցանցերին, այստեղ նույնպես, ինչպես ԱՊՀ մյուս երկրներում, ուժեղ դիրքեր ունի ռուսաստանյան Odnoklassniki.ru սոցիալական ցանցը, որի ակտիվ լսարանն ամսական կազմում է մոտավորապես 600 հազար օգտատեր ըստ 2013թ. հունվարի տվյալների։ Նշենք, որ աճը շարունակվում է (Նկար 5):
Նկար 5
Odnoklassniki սոցիալական ցանցի Ադրբեջանից այցելուների ամսական լսարանը 2010-2013թթ., տվյալները՝ ըստ Liveinternet.ru համակարգի
Youtube հարթակն Ադրբեջանում անցած տարվա երկրորդ կեսին կրկնապատկել է այցելությունները (Նկար 6):
Նկար 6
Ադրբեջանում Youtube-ից տեսանյութերի ներբեռնումները 2010-2012թթ. ընդհանուր համաշխարհային թվաքանակի համեմատ։ Տվյալները՝ ըստ Google Transparency Report-ի
Հարկ է նշել, որ Լեռնային Ղարաբաղի Հանրապետության օգտատերերի մի մասը սոցիալական ցանցերի կողմից դիտվում է որպես այցելուներ Ադրբեջանից: Սա վիճակագրության վրա ոչ մեծ, բայցևայնպես որոշ ազդեցություն, իհարկե, ունի:
1 В Азербайджане назревает демографический кризис: количество женщин резко снижается http://www.panorama.am/ru/society/2011/03/11/azerbayjan-women/
դեպի ետ
Հեղինակի այլ նյութեր
- ԸՍՏ ՕՐԻՆԱԳԾԻ «ՀԱՅԿԱԿԱՆ ԺԱՄԱՆԱԿԸ» ՀԱՆԳԻՍՏ ԿԱՐՈՂ Է ԴԻՏԱՐԿՎԵԼ ՈՐՊԵՍ ԱՆԱՆՈՒՆ ՀՂՈՒՄ. Սամվել Մարտիրոսյան[20.10.2021]
- ՀԱՅԱՍՏԱՆՅԱՆ ԻՆՏԵՐՆԵՏԻ ՏՐԱՆՍՖՈՐՄԱՑԻԱՆԵՐԸ[27.09.2018]
- ՈՒՂԻՂ ԵԹԵՐՆԵՐԻ ՀԵՂԱՓՈԽՈՒԹՅՈՒՆԸ (ինչպես ձևափոխվեց տեղեկատվական դաշտը)[08.06.2018]
- ՀԱՅԱՍՏԱՆԻ ԴԵՄ ՀԱՔԵՐԱՅԻՆ ՀԱՐՁԱԿՈՒՄՆԵՐԻ ՄԱՍԻՆ[05.04.2018]
- ՀԱՄԱՑԱՆՑԻ ԵՎ ԲՋՋԱՅԻՆ ԿԱՊԻ ՆԵՐԹԱՓԱՆՑՈՒՄԸ, ՍՈՑԻԱԼԱԿԱՆ ՄԵԴԻԱՆԵՐԸ ՀԱՅԱՍՏԱՆՈՒՄ (2017Թ.)[07.12.2017]
- ՀԱՅԱՍՏԱՆԸ ԿԻԲԵՌԱՆՎՏԱՆԳՈՒԹՅԱՆ ՄԻՋԱԶԳԱՅԻՆ ՎԱՐԿԱՆԻՇԱՅԻՆ ՀԱՄԱԿԱՐԳՈՒՄ[06.10.2017]
- ՀԱՄԱՑԱՆՑԻ ԵՎ ԲՋՋԱՅԻՆ ԿԱՊԻ ՆԵՐԹԱՓԱՆՑՈՒՄԸ ՀԱՅԱՍՏԱՆՈՒՄ 2016Թ.[26.07.2017]
- ՀԱՅԱՍՏԱՆԻ ՏԵՂԵԿԱՏՎԱԿԱՆ ԱՆՎՏԱՆԳՈՒԹՅՈՒՆԸ ԵՎ ԿՐԻՏԻԿԱԿԱՆ ԵՆԹԱԿԱՌՈՒՑՎԱԾՔՆԵՐԸ[31.05.2017]
- ՏԵՂԵԿԱՏՎԱԿԱՆ ՀՈՍՔԵՐԻ ՍՂՈՒԹՅՈՒՆԸ՝ ԿՐԻՏԻԿԱԿԱՆ ԽՆԴԻՐ[10.05.2017]
- ԱԴՐԲԵՋԱՆԱԿԱՆ ՀԱՔԵՐՆԵՐԸ ԹԻՐԱԽԱՎՈՐՈՒՄ ԵՆ ՀԱՅ ՕԳՏԱՏԵՐԵՐԻՆ[29.03.2017]
- ՀԱՅԱՍՏԱՆԻ ՀԱՍԱՐԱԿՈՒԹՅՈՒՆԸ ԵՎ ԿԻԲԵՌԱՆՎՏԱՆԳՈՒԹՅՈՒՆԸ․ ԻՐԱՎԻՃԱԿԸ 2016Թ.[30.01.2017]