• am
  • ru
  • en
Версия для печати
13.01.2011

ՀՀ-Ն ՏՆՏԵՍԱՊԵՍ ԱՄԵՆԱԱԶԱՏԱԿԱՆԱՑՎԱԾ ԵՐԿԻՐՆ Է ԱՊՀ ԱՆԴԱՄ ՊԵՏՈՒԹՅՈՒՆՆԵՐԻ ՑՈՒՑԱԿՈՒՄ

   

«Տնտեսական ազատության ինդեքսը»/Index of Economic Freedom վարկանիշային հետազոտությունն արդեն գրեթե մեկ տասնամյակ իրականացվում է ԱՄՆ առաջատար և հեղինակավոր «ուղեղային կենտրոններից» մեկի՝ «Հերիթիջ ֆաունդեյշըն»-ի/The Heritage Foundation և «Ուոլ սթրիթ ջորնըլ»/The Wall Street Journal օրաթերթի կողմից։

«Տնտեսական ազատության ինդեքսը» վարկանիշային հետազոտության մեթոդաբանությունը հիմնվում է 10 տնտեսական ցուցիչների վրա, որոնց քանակական միջինացված հաշվարկի միջոցով տրվում է զեկույցում ներառված երկրներից յուրաքանչյուրի տնտեսական ազատության ամփոփիչ վարկանիշը։

Այդ ցուցիչներն են՝

  1. գործարար ազատություն,
  2. առևտրի ազատություն,
  3. ֆիսկալ ազատություն,
  4. ազատություն կառավարությունից,
  5. արժութային ազատություն,
  6. ներդրումային ազատություն,
  7. ֆինանսական ազատություն,
  8. սեփականության իրավունքի պաշտպանվածություն,
  9. ազատությունը կոռուպցիայից,
  10. աշխատանքային ազատություն։

Անհրաժեշտ է նշել նաև, որ վերը թվարկված յուրաքանչյուր ցուցչի տնտեսական համապատասխան ազատության ցուցանիշը և ընդհանրապես տվյալ երկրի տնտեսական ազատության ամփոփ ցուցիչը սահմանվում է 0-100 միավոր սանդղակով, որտեղ 100 միավորը համարվում է ազատության բարձրագույն ցուցանիշը։ Բացի այդ, յուրաքանչյուր պետության տնտեսական ազատության ամփոփիչ ցուցչային վարկանիշը, համաձայն տվյալ երկրի տնտեսության ազատականացման աստիճանավորման, ներկայացվում է հետևյալ հինգ կետով.

  1. ազատ (երկրներ, որոնք ստացել են 80-100 միավոր,
  2. հիմնականում ազատ (70-79.9),
  3. միջին ազատության (60-69.9),
  4. հիմնականում ոչ ազատ (50-59.9),
  5. ճնշված (0-49.9):

2011թ. հունվարի կեսին լույս տեսավ «Տնտեսական ազատության ինդեքսը» հերթական՝ 2011թ. վարկանիշային զեկույցը։ Այս հետազոտությունում ՀՀ-ն շարունակում է պահպանել առաջատար դիրքերը ԱՊՀ անդամ պետությունների շարքում։ Վիճակագրությունը ցույց է տալիս, որ 2011թ. զեկույցում ԱՊՀ անդամ պետությունների շարքում ՀՀ վարկանիշային ցուցանիշը եղել է լավագույնը. ՀՀ-ն 69,7 միավորով և 36-րդ դիրքով գտնվում է զեկույցի միջին ազատության երկրների ցուցակում։ Ընդ որում, ՀՀ-ն իր ցուցանիշով ընդհուպ մոտեցել է հիմնականում ազատ երկրների ցուցակին։ Ի դեպ, նախորդ՝ 2010թ. համեմատ, ՀՀ-ն բարելավել է վարկանիշը 0,5 միավորով։ ՀՀ-ն գերազանցել է այնպիսի եվրոպական երկրների, ինչպիսիք են Հունգարիան, Լատվիան, Բուլղարիան, Ռումինիան, Լեհաստանը, Հունաստանը և այլն։ ԱՊՀ անդամ պետություններից ՀՀ-ին հաջորդում են Ղազախստանն ու Ղրղզստանը, որոնք նույնպես գտնվում են միջին ազատության աստիճանակարգում։ Հիմնականում ոչ ազատ երկրների ցանկում են Մոլդովան և Ռուսաստանը։ Այդ ցանկում է նաև Ադրբեջանը՝ 59,7 միավորով։

Հարավկովկասյան երկրներից լավագույն ցուցանիշը Վրաստանինն է, որը 70,4 միավորով ընդգրկվել է հիմնականում ազատ պետությունների ցուցակում։

ՀՀ-ն՝ ԱՊՀ անդամ-պետությունների ցուցակում տնտեսապես ամենաազատականացված երկիրը

Աղյուսակ 1. «Տնտեսական ազատության ինդեքսը» 2011թ., ՀՀ վարկանիշը այլ երկրների շարքում


դեպի ետ
Հեղինակի այլ նյութեր