ՓՈՐՁԱԳԵՏԸ ԲՆԱԿԱՆ Է ՀԱՄԱՐՈՒՄ ԵՏՄ-ԻՆ ՀԱՅԱՍՏԱՆԻ ԱՆԴԱՄԱԿՑՈՒԹՅԱՆ ՁԳՁԳՈՒՄԸ
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: «Նորավանք» գիտակրթական հիմնադրամի տնօրեն Գագիկ Հարությունյանը բնական է համարում Եվրասիական տնտեսական միությանը Հայաստանի անդամակցության գործընթացի ձգձումը: Նրա կարծիքով` դա չի կարող խանգարել Հայաստանի` Եվրասիական տնտեսական միության հիմնադիր անդամ լինելուն:
Վերլուծաբանը հիմնավորում է, որ տնտեսական ինտեգրման գործընթացը հարուստ է տարաբանույթ հարցերի մեծ տիրույթով, իսկ նման միություններին բնորոշ են հակասությունները: «Ռազմավարական որոշում է ընդունվել, որի հետաձգումը բնականաբար անհանգստություններ է առաջացնում, սակայն իմ դիտարկումներով` որևիցե դրամատիկ ձգձգում չկա և բոլոր դեպքերում մինչև նոյեմբեր պայմանագիրը կստորագրվի»,- «Արմենպրես»-ի հաղորդմամբ՝ լրագրողների հետ հանդիպմանն ասաց Հարությունյանը:
Ինչ վերաբերում է Եվրասիական տնտեսական միության հիմնադիր անդամ լինելուն, ապա վերլուծաբանը նկատեց, որ Եվրասիական միությունը նախագահների կողմից հաստատվելու է 2015 թվականին` ենթադրաբար ձմռանը: Ավելին, ի տարբերություն` Բելառուսի և Ղազախսատնի, որոնք համեմատաբոր նոր կազմավորված պետություններ են, Հայաստանն իր աշխարհաքաղաքական և քաղաքակրթական պատմությամբ կարող է ամրապնդել նոր ձևավորվող Եվրասիական միությունը: Հարությունն անդրադարձավ նաև Լեռնային Ղարաբաղի հակամարտությանը` Հայաստանի ԵՏՄ-ին անդամակցության համատեսքտում:
«Շատ է քննարկվում Լեռնային Ղարաբաղի խնդիրը: Իսկապես, բազմաթիվ տեխնիկական հարցերից բացի կա նաև աշխարահաքաղաքական կողմոնորոշման խնդիր Ղազախստանի կողմից, որը հանդիսանում է Ադրբեջանի և Թուրքիայի մերձավոր գործընկերը և ձգտում է պաշտպանել իր շահերը: Բայց կան «կարմիր գծեր», որոնք Հայաստանը չի կարող անցնել, մասնավորապես` Լեռնային Ղարաբաղի Հանրապետության խնդիրը: Ոչ մի մաքսակետ չի կարող լինել Լեռնային Ղարաբաղի և Հայաստանի միջև, մենք նույն տնտեսական տարածքում ենք, նույն էթնոսն ու վերջապես նույն երկիրը»,- փաստեց Հարությունյանը:
http://armenpress.am/arm/news/770237/?utm_source=dlvr.itutm_medium=twitterդեպի ետ
Հեղինակի այլ նյութեր
- ԴԵՆ ՍՅԱՈՊԻՆ ԵՎ «ԳԻՏՆԱԿԱՆՆԵՐԻ ԿԱՅՍՐՈՒԹՅՈՒՆ»[27.12.2018]
- ՆԱԽԻՋԵՎԱՆԻ ԽՆԴԻՐԸ ԱՇԽԱՐՀԱԿԱՐԳԱՅԻՆ ՓՈՓՈԽՈՒԹՅՈՒՆՆԵՐԻ ԺԱՄԱՆԱԿԱՇՐՋԱՆՈՒՄ[10.12.2018]
- ՄՈՍԿՎԱ-ԵՐԵՎԱՆ ՏԵՍԱԿԱՄՈՒՐՋ՝ «ՆԱԽԸՆՏՐԱԿԱՆ ՄԱՐԱԹՈՆ ՀԱՅԱՍՏԱՆՈՒՄ ԵՎ ՀԱՅ-ՌՈՒՍԱԿԱՆ ՌԱԶՄԱՎԱՐԱԿԱՆ ՀԱՄԱԳՈՐԾԱԿՑՈՒԹՅԱՆ ՀՐԱՏԱՊ ՀԱՐՑԵՐԸ»[27.11.2018]
- «ԳԱՂՈՒԹՆԵՐ», «ԿԱՅՍՐՈՒԹՅՈՒՆՆԵՐ» ԵՎ ԱՆՎՏԱՆԳՈՒԹՅՈՒՆ[20.11.2018]
- ԱՊԱԳԱՅԻՆ ՊԱՏՐԱՍՏ ԼԻՆԵԼՈՒ ԽՆԴԻՐԸ[08.10.2018]
- «ԲԱՐԴՈՒԹՅՈՒՆՆԵՐԸ» ԱԴԵԿՎԱՏ ԸՆԿԱԼԵԼՈՒ ՀՐԱՏԱՊՈՒԹՅՈՒՆԸ[06.08.2018]
- ՀՈԳԵՎՈՐ-ՏԵԽՆՈԼՈԳԻԱԿԱՆ ՌԵՍՈՒՐՍՆԵՐԸ ԵՎ ԴԱՇՆԱԿՑԱՅԻՆ ՀԱՐԱԲԵՐՈՒԹՅՈՒՆՆԵՐԻ ՀԱՐՑԵՐԸ ՀԻԲՐԻԴԱՅԻՆ ԻՐՈՂՈՒԹՅՈՒՆՆԵՐՈՒՄ[23.07.2018]
- «ԲԱՐԴՈՒԹՅՈՒՆՆԵՐԻ» ԱԴԵԿՎԱՏ ԸՆԿԱԼՈՒՄԸ ԵՎ ՔԱՂԱՔԱԿՐԹԱԿԱՆ ԳՈՐԾՈՆԸ[09.07.2018]
- «ՉԻՆԱԿԱՆ ՇԱԽՄԱՏ»[23.05.2018]
- ՖՐԱԳՄԵՆՏԱՑՎԱԾ ԿԱՄ «ՄԻՆՉՎԵՍՏՖԱԼՅԱՆ» ԱՇԽԱՐՀԱԿԱՐԳ[28.03.2018]
- ԳԱԳԻԿ ՀԱՐՈՒԹՅՈՒՆՅԱՆ. «ԿԱՌԱՎԱՐԵԼԻ ՔԱՈՍԸ» ԱՍՏԻՃԱՆԱԲԱՐ ԿՐՈՆԱԿԱՆ ԵՐԱՆԳԱՎՈՐՈՒՄԸ ՓՈԽՈՒՄ Է ԷԹՆԻԿԱԿԱՆԻ[22.01.2018]