21.10.2013

ՄԱՔՍԱՅԻՆ ՄԻՈՒԹՅՈՒՆԸ ՈՉ ԹԵ ԿԱՅՍԵՐԱԿԱՆ, ԱՅԼ ՏՆՏԵՍԱԿԱՆ ՆԱԽԱԳԻԾ Է. ԼԵՊՅՈԽԻՆ

Մաքսային միությունը ոչ թե կայսերական, այլ տնտեսական նախագիծ է, կարծում է ԵվրԱզԷս Ինստիտուտի տնօրեն, ՌԳԱ Եվրասիական տնտեսական ինտեգրման Գիտական խորհրդի բյուրոյի անդամ Վլադիմիր Լեպյոխինը։

«Մաքսային միությունը կարևոր աշխարհաքաղաքական նախագիծ չէ և, առավել ևս, կայսերական նախագիծ։ Դա միավորում է` այդ միության երկրների միջև ապրանքաշրջանառությունն օպտիմալացնելու նպատակով»,– ուրբաթ «Նովոստի» միջազգային մամուլի կենտրոնում ասաց նա։

Լեպյոխինի խոսքով, ՄՄ–ի շուրջ աղմուկը պայմանավորված է այն հանգամանքով, որ Արևմուտքում այն ընկալվել է որպես աշխարհաքաղաքական նախագիծ, և հետխորհրդային երկրների առջև ընտրություն է դրվել «կամ–կամ» ձևաչափով` կամ համագործակցություն ԵՄ–ի, կամ ՄՄ–ի հետ։

«Ռուսաստանը հարցը երբեք այդպես չի դրել, թեև Արևմուտքում դրանում նրան մեղադրում էին... Հակառակը, նա միշտ դրել է այն հարցը, որ իր համար առաջնահերթ է տնտեսական կապերի օպտիմալացումը, և դրա համար դեպի Եվրոպա դուռը չի փակվում»,– ավելացրեց նա։

Լեպյոխինն ընդգծեց նաև, որ Հայաստանի անդամակցումը ՄՄ–ին բխում է իր երկարաժամկետ շահերից։

«Սերժ Սարգսյանի` սեպտեմբերի 3–ին ընդունած որոշումը` ՄՄ–ին Հայաստանի անդամակցության մասին, նշանակալի է ոչ միայն ՄՄ շահերի, այլ նաև դրա կազմում ընդգրկված երկրների, նախևառաջ, Հայաստանի շահերի տեսանկյունից։ Ընդ որում, ելնելով ոչ միայն ընթացիկ, այլ նաև երկարաժամկետ տնտեսական շահերից, ինչպես նաև աշխարհում տարածաշրջանային և աշխարհաքաղաքական դասավորվածությունից»– ասաց նա։

Հայաստանի և Ռուսաստանի նախագահներ Սերժ Սարգսյանի և Վլադիմիր Պուտինի` սեպտեմբերի 3–ին կայացած բանակցությունների արդյունքում հայտարարվեց, որ Հայաստանը մտադիր է միանալ ՄՄ–ին միանալու և հետագայում մասնակցել Եվրասիական տնտեսական միության ձևավորման գործընթացին։ Ավելի վաղ նախատեսվում էր, որ Հայաստանը կնախաստորագրի ԵՄ–ի հետ ասոցացման համաձայնագիրը։ ՄՄ–ին միանալու որոշումը արևմտամետ ուժերի վրդովմունքի պատճառ դարձավ Երևանում։