ԹՈՒՐՔԻԱՅՈՒՄ ՏԻԵԶԵՐԱԳՆԱՑՈՒԹՅԱՆ ԵՎ ԱՎԻԱՑԻԱՅԻ ԽՈՇՈՐ ԿԵՆՏՐՈՆ ԿԿԱՌՈՒՑՎԻ
06 Ապրիլ 2017
Թուրքիայում կհիմնվի տիեզերագնացության և ավիացիայի ոլորտում առաջին մասնագիտացված արդյունաբերական կենտրոնը: Թուրքական «Sabah» թերթի կայքի տեղեկացմամբ՝ նախատեսվում է, որ կենտրոնը 2 մլրդ դոլար եկամտաբերություն և 15.000 աշխատատեղ կապահովի:
Անկարայում կառուցվելիք Տիեզերագնացության և ավիացիայի մասնագիտացված արդյունաբերական կենտրոնի հիմնարկեքի պաշտոնական արարողությունը տեղի կունենա ապրիլի 16-ի սահմանադրական փոփոխությունների հանրաքվեից հետո:
Ներկայումս արդեն շուրջ 150 ընկերություն հայտ է ներկայացրել՝ արդյունաբերական կենտրոնում ներկայացված լինելու համար: Շինարարությունը կընթանա երկու փուլով: Առաջին փուլում կկառուցապատվի 4.1 մլն քմ տարածք, երկրորդի ընթացքում՝ 7.2 մլն քմ: Տիեզերագնացության և ավիացիայի կենտրոնը տեղակայված կլինի Անկարայի Քահրամանքազան, Յենիմահալլե և Սինջան շրջանների միջև ընկած տարածքում:
Թուրքիայում իր տեսակի մեջ առաջին այս մասնագիտացածված համալիրի նախագիծը ներկայացվել էր 2011թ., տեղի ընտրությունը հաստատվել էր 2013թ-ին:
http://www.ermenihaber.am/am/news/2017/04/06/
