ՀԱՅԿԱԿԱՆ ԴԱՍԱԿԱՆ ԵՐԱԺՇՏՈՒԹՅՈՒՆ ՄՈՍԿՎԱՅՈՒՄ

2016թ. հունիսի 3-ին՝ ժամը 19:00-ին, Մոսկվայի կոնսերվատորիայի հռչակավոր Մեծ դահլիճում տեղի ունեցավ «Հայաստանի գաղտնիքներ» համերգը, որը նվիրված էր Ալ.Սպենդիարյանի և Ա.Բաբաջանյանի հիշատակին:

Հայկական դասական երաժշտության սիրահարներին ներկայացվեցին Սպենդիարյանի, Բաբաջանյանի, Կոմիտասի, Տիգրանյանի, Խաչատրյանի, Ստեփանյանի, Բաղդասարյանի, Ղազարյանի և Աբրահամյանի ստեղծագործությունները:

Համերգը տեղի ունեցավ Մոսկվայի կոնսերվատորիայի 150-ամյակին նվիրված տոնակատարությունների շրջանակում՝ Ռուսաստանի մշակույթի նախարարության բարձր հովանու ներքո:

Հայկական դասական երաժշտությունը Մոսկվայում հնչեց Միքայել Հայրապետյանի «Հայաստանի գաղտնիքներ» ծրագրի, Ռուսաստանի հայ երիտասարդական կոնգրեսի և Չինաստանի հայկական համայնքի համատեղ ջանքերի շնորհիվ:

http://www.chinahay.com/m1/