ԲԵՌԼԻՆՈՒՄ ՀԱՅ, ԹՈՒՐՔ ԵՎ ԳԵՐՄԱՆԱՑԻ ՊԱՏՄԱԲԱՆՆԵՐԸ ԿՔՆՆԱՐԿԵՆ ՀԱՅՈՑ ՑԵՂԱՍՊԱՆՈՒԹՅԱՆ ՀԱՐՑԸ

http://armenpress.am/arm/news/816990/berlinum-hay-turq-ev-germanaci-patmabannery-kqnnarken.html

Բեռլինում 2015թ. սեպտեմբերի 5-ին կանցկացվի գերմանական Հայնրիխ Բյոլլ հիմնադրամի կողմից կազմակերպած «Անցյալի ներկան. 1915թ. Հայոց ցեղասպանությունից 100 տարի անց» խորագրով կոնֆերանս: «Արմենպրես»-ի հաղորդմամբ` կոնֆերանսին ողջույնի խոսքով հանդես կգան Հայնրիխ Բյոլլ հիմնադրամի տարածաշրջանային ղեկավար Սերգեյ Լագոդինսկին և Գերմանահայկական ընկերակցության նախագահ Րաֆֆի Կանտյանը:

Քննարկման հիմնական թեմաներն են լինելու Հայոց ցեղասպանությունը, վերապրածների հուշերը և այն, թե ինչպես պետք է այսօր անդրադառնալ այդ հարցերին:

Ելույթ կունենան հայ, թուրք և գերմանացի բանախոսներ: Կոնֆերանսին ելույթներով հանդես կգան Բունդեսթագի փոխնախագահ Կլաուդիա Ռոթը և Բունդեսթագի այլ պատգամավորներ: