ԹՈՒՐՔԻԱՆ ՉԻՆԱՍՏԱՆԻ ՕԳՆՈՒԹՅԱՄԲ ԿՍՏԵՂԾԻ ՆԱՏՕ-ԻՑ ԱՆԿԱԽ ՀՀՊ ՀԱՄԱԿԱՐԳ

Թուրքիայում ստեղծվող հակահրթիռային պաշտպանության համակարգը չի ինտեգրվելու ՆԱՏՕ համակարգում։ Այս մասին, ինչպես տեղեկացնում է Reuters-ը, ասել է երկրի պաշտպանության նախարար Իսմեթ Յըլմազը։ Թուրքական ՀՀՊ-ն ստեղծվում է Չինաստանի աջակցությամբ, որը 2013թ. հաղթել է Թուրքիային միջին և մեծ հեռահարության զենիթահրթիռային համակարգերի մատակարարման T-LORAMIDS (Turkish Long Range Air And Missile Defence System) տենդերը։ Պատասխանելով խորհրդարանական հարցմանը՝ թուրք նախարարը նշել է, որ չինական հայտը լավագույնն է եղել։ Այլ աղբյուրների հաղորդմամբ՝ HQ-9-ի կարևոր առավելությունը ցածր գինը և ընդունելի բնութագրիչներն են եղել։ ՆԱՏՕ գործընկերների ճնշմամբ Թուրքիան երկարաձգում էր տենդերը, բայց չինական համակարգի ընտրության մասին որոշումն արդյունքում անփոփոխ մնաց։ T-LORAMIDS տենդերում, եզրափակիչ փուլերում այլ հավակնորդների մեջ էին Raytheon և Lockheed Martin դաշինքի ներկայացրած ЗРС Patriot-ը (РАС-2 GMT-ի և РАС-3-ի համադրությունը), եվրոպական Eurosam կոնսորցիումի ներկայացրած ЗРС SAMP/T-ը (Aster 30 Block 1-ով) և «Ռոսօբորոնէքսպորտ» ԲԲԸ ներկայացրած ЗРС С-300ВМ «Անթեյ-2500»-ը։ Ավելի վաղ «Ռոսօբորոնէքսպորտը» հրաժարվել էր Թուրքիային մատակարարել ЗРС С-400, որն առաջարկվում էր տենդերի ավելի վաղ փուլերում։ ՆԱՏՕ ներկայացուցիչները քանիցս բացահայտ զգուշացրել են Թուրքիային՝ չընտրել ռուսական կամ չինական առաջարկությունները՝ դա բացատրելով ՆԱՏՕ ՀՕՊ միավորված համակարգում «ոչարևմտյան» համալիրների ինտեգրման հնարավոր խնդիրներով։