17.07.2017
«ԳԼՈԲՈՒՍ» ՎԵՐԼՈՒԾԱԿԱՆ ՀԱՆԴԵՍ, թիվ 6, 2017
http://pressinfo.am/hy/journal/armenian-information-analytical-magazine-globus.html
Գնումը` «Նորավանք» ԳԿՀ-ում
Հասցեն՝ ք.Երևան, Գարեգին Նժդեհի 23/1,
Հեռ. +374 10 44 04 73, +374 93 54 31 71
Լույս է տեսել «Գլոբուս» վերլուծական հանդեսի 2017թ. վեցերորդ համարը՝ նվիրված տեղեկատվական անվտանգության, տարածաշրջանային և աշխարհաքաղաքական խնդիրներին։
Տեղեկատվական անվտանգության խնդիրների համատեքստում հեղինակներն անդրադառնում են «թերիմացության էֆեկտին», մեդիա-տեքստերում սուգեստիվ հնարքների կիրառմանը, 2016թ. համացանցի և բջջային կապի՝ Հայաստան ներթափանցման ցուցանիշներին։
Տարածաշրջանային և աշխարհաքաղաքական խնդիրների համատեքստում վերլուծության են ենթարկվում սփյուռքի գիտնականների հետ համագործակցության ադրբեջանական փորձը, էներգետիկ գործոնի դերն արդի միջազգային հարաբերություններում, խորհրդարանական ընտրությունները Մակեդոնիայի Հանրապետությունում, քաղաքական ծայրահեղականությանը և ահաբեկչությանը հակազդելու հնարավորությունները։
Հրատարակված նյութերը կտեղադրվեն նաև «Նորավանք» ԳԿՀ կայքէջում։
