06.10.2015
«ԳԼՈԲՈՒՍ» ՎԵՐԼՈՒԾԱԿԱՆ ՀԱՆԴԵՍ, թիվ 8-9, 2015
http://pressinfo.am/hy/journal/armenian-information-analytical-magazine-globus.html
Գնումը` «Նորավանք» ԳԿՀ-ում
Հասցեն՝ ք.Երևան, Գարեգին Նժդեհի 23/1,
Հեռ. +374 10 44 04 73, +374 93 54 31 71
Լույս է տեսել «Գլոբուս» վերլուծական հանդեսի 2015թ. ութերորդ և իններորդ համարների միացյալ թողարկումը՝ նվիրված աշխարհաքաղաքական, Հայաստանի և Սփյուռքի, ինչպես նաև տեղեկատվական անվտանգության խնդիրներին։
Աշխարհաքաղաքական խնդիրների համատեքստում հեղինակներն անդրադառնում են PKK մարտավարության տնտեսական ուղղվածությանը, Սաուդյան Արաբիայի միջազգային դրությանը, BRICS-ի հեռանկարներին, ռուս-բուլղարական հաշտեցման գործընթացին, Ռուսաստանի և Արևմուտքի փոխհարաբերություններին։
Հայաստանի և Սփյուռքի խնդիրների համատեքստում անդրադարձ է կատարվում հայ-ռուսական տնտեսական հարաբերությունների հեռանկարներին, ԱՄՆ հայկական հիմնադրամներին, վերլուծվում է 2015թ. «Անկայուն երկրների ինդեքսը»։
Տեղեկատվական անվտանգության խնդիրների համատեքստում քննության են ենթարկվում Հայաստանի քաղաքական և քաղաքացիական շարժումները համացանցում, տեղեկատվական հեղափոխությունները և Հայոց ցեղասպանության թեման ադրբեջանական լրատվամիջոցներում։
Ամսագրում տեղ են գտել նաև լուրեր ռազմաքաղաքական, տեղեկատվական ոլորտների, ինչպես նաև Սփյուռքին առնչվող ուշագրավ փաստերի և իրադարձությունների վերաբերյալ։
Հրատարակված նյութերը կտեղադրվեն նաև «Նորավանք» ԳԿՀ կայքէջում։
