09.02.2025ՀԱՅԱՍՏԱՆԸ 30 ՀԱԶԱՐ ԱՐՑԱԽՑԻ Է ԼՔԵԼ. ԱՐՑԱԽԻ ԽՈՐՀՐԴԱՐԱՆԻ ՊԱՏԳԱՄԱՎՈՐ
Ոչ պաշտոնական տվյալներով՝ 30 հազար արցախցիներ լքել են Հայաստանը։ Դրա մասին NEWS.am-ի թղթակցի հետ զրույցում հայտարարել է Արցախի խորհրդարանի պատգամավոր Դավիթ Գալստյանը։
Նա պարզաբանել է, որ արցախցիները հիմնականում Ռուսաստանի Դաշնություն են մեկնել:
Պատգամավորը նշել է, որ մեկնողները, որպես հիմնական պատճառ, նշում են զբաղվածությանն առնչվող խնդիրներն ու սոցիալական այլ հարցերը։
«Նրանք պատրաստ են վերադառնալ, եթե լինեն համապատասխան սոցիալական պայմաններ։ Այս մարդիկ երբեք չեն մոռանա Արցախը և պայքարում են հայրենիք վերադառնալու իրավունքի համար»,- նշել է Գալստյանը։
դեպի ետ