30.09.2023«ՍԱ ՓԱՇԻՆՅԱՆԻ ՏՎԱԾ ՀՐԱՀԱՆԳՆԵՐԻ ԿԱՏԱՐՄԱՆ ՄԻ ՓՈՒԼՆ Է, ՀԱՋՈՐԴԸ ՎԵՐԱԲԵՐԵԼՈՒ Է ՀԱՅԱՍՏԱՆԻՆ՝ ԿԴՐՎԻ ՄԵՐ ՄՆԱԼ-ՉՄՆԱԼՈՒ ՀԱՐՑԸ». քաղաքագետ
«Ռուսաստանն այսօր համաշխարհային պատերազմի մեջ է ու շատ դժվար պատերազմի: Հիմա ի վիճակի չէ զորք ուղարկել Հայաստան ու օգնել Հայաստանին»,- 168.am-ի հետ զրույցում ասաց Ցանցային հետազոտությունների ինստիտուտի տնօրեն, քաղաքագետ Գագիկ Հարությունյանը՝ անդրադառնալով հարցին, թե ինչո՞ւ Ռուսաստանը չօգնեց Արցախին, ինչը ենթադրում էր նաև օգնություն Հայաստանին։
Քաղաքագետը հույս ունի, որ որոշ խաղաղապահներ կմնան Արցախում։
Հարցին՝ եթե Արցախում չմնա հայ բնակչությունը, ինչո՞ւ պետք է մնան խաղաղապահները, որոնք, ըստ էության, չկարողացան ապահովել նրանց անվտանգությունը, Գագիկ Հարությունյանը հույս հայտնեց, որ որոշ չափով բնակիչներ կմնան, ինչը կարող է հույս տալ, որ Արցախը կմնա հայկական։
«Լուրեր են շրջանառվում, որ խաղաղապահները հայերին համոզում են մնալ, ասելով, որ կապահովեն նրանց անվտանգությունը։ Սա նուրբ ու ցավալի հարց է, որը կախված է մեր հայության գլխին»,- շեշտեց Գագիկ Հարությունյանը։
Հաջորդ հարցին՝ եթե այսօր Ռուսաստանը Հայաստանին չի օգնում, տարածաշրջանում ո՞վ կարող է օգնել Հայաստանին՝ ռազմական հնարավոր զարգացումների դեպքում, Իրանը կարո՞ղ է օգնել, Գագիկ Հարությունյանը պատասխանեց՝ խիստ կասկածում է։
«Իրանը բավականին նուրբ ու փափուկ գործող ուժ է և ուղղակի ռազմական բախումների չի գնա։ Իրանը կարող է որոշակիորեն օգնել, բայց երբեք չի կարող ինքնուրույն հանդես գալ՝ հաշվի առնելով թուրք-ադրբեջանական տանդեմի ու Արևմուտքի դիրքորոշումն Իրանի դեմ։
Ստեղծված իրավիճակում չեմ տեսում որևէ մեխանիզմ, որը Հայաստանի իշխանությունների կողմից մշակվել ու իրականացվում է։ Ապագան շատ տխուր է երևում՝ սա Նիկոլ Փաշինյանի տված հրահանգների կատարման մի փուլն է, հաջորդը վերաբերելու է Հայաստանին, որտեղ կդրվի մեր մնալ-չմնալու հարցը։
Գուցե ամենահաջողվածը չէ, բայց կար «Հայաքվեն», այնտեղ գոնե մեխանիզմներ կային որոշակի, թե ինչ է պետք անել, որպեսզի այս իշխանությունից ազատվենք»,- եզրափակեց Գագիկ Հարությունյանը։
դեպի ետ
Հեղինակի այլ նյութեր
- «ԽՈՐՔԱՅԻՆ ԿԱՌԱՎԱՐՈՒԹՅՈՒՆԸ ԿԱՐՈՂ Է ԵՎՍ ՄԵԿ ՄԱՀԱՓՈՐՁ ԿԱՏԱՐԵԼ ԹՐԱՄՓԻ ԴԵՄ»[28.02.2025]
- «40-ԻՑ ԱՎԵԼԻ ԵՐԿՐՆԵՐ ՊԱՏԵՐԱԶՄ ԵՆ ՀԱՅՏԱՐԱՐԵԼ ՌՈՒՍԱՍՏԱՆԻՆ. ՄԵԾ ԹՈՒՐԱՆԻ ԻՐԱԿԱՆԱՑՄԱՆ ՎՏԱՆԳ ԿԱ». Գագիկ Հարությունյան[11.12.2024]
- «ՌՈՒՍԱՍՏԱՆԸ ՓՈՐՁՈՒՄ Է ՎԵՐՋ ՏԱԼ ՀԱՅԱՍՏԱՆՈՒՄ ԵՂԱԾ ՔԱՈՍԻՆ. ՄՈՏ ԱՊԱԳԱՅՈՒՄ ՀՍԿՈՂՈՒԹՅԱՆ ՏԱԿ ԿՎԵՐՑՆԻ ՆԱև ՄԵՐ ՏԱՐԱԾՔՆԵՐԸ». Գագիկ Հարությունյան[29.11.2024]
- «ՀՀ ԻՇԽԱՆՈՒԹՅՈՒՆՆԵՐԸ ՀԱՊԿ-ԻՑ ԴՈՒՐՍ ԳԱԼՈՎ՝ ՄՏԱԾՈՒՄ ԵՆ, ԹԵ ԿԱՐՈՂ ԵՆ ԹՈՒՐՔԻԱՅԻ ԿԱՄ ԱԴՐԲԵՋԱՆԻ ՀԵՏ ՌԱԶՄԱԿԱՆ ԴԱՇԻՆՔ ԿԱԶՄԵԼ». քաղաքագետ[17.11.2024]
- ՇՈՒՏՈՎ ԴՈՒՐՍ ԵՆ ԲԵՐԵԼՈՒ ՆԱԵՎ 102 ՌՈՒՍԱԿԱՆ ՌԱԶՄԱԲԱԶԱՆ. ՍԱ ԱՅՆ Է, ԻՆՉ ՈՒԶՈՒՄ Է ԹՈՒՐՔԻԱՆ. Գագիկ Հարությունյան[11.10.2024]
- ԲՈԼՈՐԸ ՀԱՅՀՈՅՈՒՄ ԵՆ ՆԻԿՈԼԻՆ, ՀԱՍԿԱՑԱՆՔ, ԲԱՅՑ Ի՞ՆՉ ԱՆԵԼ, ԵԹԵ ՉԵՆՔ ԼՍՈՒՄ ԻՐԱՐ. Գագիկ Հարությունյան[29.08.2024]
- ԱՐԵՎՄՏՅԱՆ ԽՈՐԱՄԱՆԿՈՒԹՅՈՒՆՆԵՐԸ ՊԱՐԶՈՒՆԱԿ ԵՆ ԵՎ ԳԻՏԱԿԻՑ ՄԱՐԴԿԱՆՑԻՑ ՈՉ ՄԵԿԻՆ ՉԵՆ ՀԵՏԱՔՐՔՐՈՒՄ. Գագիկ Հարությունյան[05.08.2024]
- ՄԵԶ ԱԶԱՏԱԳՐԵԼՈՒ ՀԱՄԱՐ ՈՐՈՇԻՉ ԿԱՐՈՂ Է ԼԻՆԵԼ… Գագիկ Հարությունյան[27.07.2024]
- ՔԱՂԱՔԱԳԵՏ ԳԱԳԻԿ ՀԱՐՈՒԹՅՈՒՆՅԱՆԻ ՄԱՄԼՈ ԱՍՈՒԼԻՍԸ[15.05.2024]
- ԲՈԼՈՐՆ ԷԼ ՀԱՍԿԱՆՈՒՄ ԵՆ, ԹԵ Ի՞ՆՉ Է ԿԱՏԱՐՎՈՒՄ՝ ԴԱՎԱՃԱՆՈՒԹՅՈՒՆ, ԹՇՆԱՄՈՒԹՅՈՒՆ, ԽԱՅՏԱՌԱԿՈՒԹՅՈՒՆ. Հարությունյան[04.05.2024]
- ՌՈՒՍԱՍՏԱՆԻ ԼՌԵԼՈՒ ՌԵՍՈՒՐՍՆԵՐՆ ԱՐԴԵՆ ԱՎԱՐՏՎԱԾ ԵՆ, ՍՊԱՍԵՔ ԱԿՏԻՎ ԳՈՐԾՈՂՈՒԹՅՈՒՆՆԵՐԻ. Հարությունյան[08.03.2024]