24.03.2023ՕԴԱՉՈՒՆԵՐԸ, Ի ՆՇԱՆ ԲՈՂՈՔԻ, ՀՐԱԺԱՐՎԵԼ ԵՆ ԻՍՐԱՅԵԼԻ ՎԱՐՉԱՊԵՏԻ ՀԵՏ ԼՈՆԴՈՆ ԹՌՉԵԼ. ՆԱ ՍՏԻՊՎԱԾ Է ԵՂԵԼ ՀԵՏԱՁԳԵԼ ԱՅՑԸ. The Daily Telegraph
Իսրայելի վարչապետ Բենիամին Նեթանյահուի այցը Մեծ Բրիտանիա վտանգված է։ Դա տեղի է ունեցել օդաչուների չվերթն իրականացնելուց հրաժարվելու պատճառով, գրում է The Daily Telegraph-ը՝ վկայակոչելով բրիտանական կառավարությունում աղբյուրը։
Ոչ մի օդաչու չի համաձայնել իսրայելցի քաղաքական գործչին Լոնդոն տանել։ Մերժումը տեղի է ունեցել զանգվածային բողոքի ցույցերի ֆոնին, որոնք առաջացել են Նեթանյահուի կողմից երկրի դատական համակարգի ծրագրած բարեփոխումների հետ անհամաձայնության պատճառով:
Ստեղծված իրավիճակի հետևանքով Նեթանյահուն հետաձգել է իր այցը Լոնդոն:
Իսրայելցի օդաչուները նմանատիպ բողոքի ակցիա էին կազմակերպել նաև մարտի սկզբին, երբ նրանք հրաժարվել էին Նեթանյահուին Հռոմ տանել:
դեպի ետ