04.08.202219 ՎԻՐԱՎՈՐ ԶԻՆԾԱՌԱՅՈՂԻՑ 4-Ի ՎԻՃԱԿԸ ԾԱՆՐ Է․ ՌՈՒՍԱԿԱՆ ԶՈՐԱԿԱԶՄԻ ՄԻՋՆՈՐԴՈՒԹՅԱՄԲ ՇԱՐՈՒՆԱԿՈՒՄ ԵՆ ՔԱՅԼԵՐ ՁԵՌՆԱՐԿՎԵԼ ԻՐԱՎԻՃԱԿԻ ԿԱՅՈՒՆԱՑՄԱՆ ՈՒՂՂՈՒԹՅԱՄԲ․ Արցախի ՊԲ–ն տվյալներ է հայտնում
Օգոստոսի 3-ի լույս 4-ի գիշերը և առավոտյան 09:00-ի դրությամբ օպերատիվ մարտավարական իրադրությունը շփման գծում հարաբերականորեն կայուն է: Այս մասին հայտնում է Արցախի ՊՆ մամուլի ծառայությունը։
Ադրբեջանի ԶՈւ ստորաբաժանունները որոշ հատվածներում խախտել են հրադադարի ռեժիմը' կիրառելով տարբեր տրամաչափի հրաձգային զինատեսակներ: ՊԲ ստորաբաժանումների կողմից կորուստներ չկան: Վիրավորում ստացած 19 զինծառայողներից 4-ի վիճակը գնահատվում է ծանր, որոնցից մեկինը' ծայրահեղ ծանր: Մյուս վիրավորների վիճակը բավարար է:
Ռուսական զորակազմի հրամանատարության միջնորդությամբ շարունակում են քայլեր ձեռնարկվել իրավիճակի կայունացման ուղղությամբ:
Հիշեցնենք`օգոստոսի 3-ին՝ ժամը 09։00-ից ադրբեջանական ստորաբաժանումները թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ կիրառելով տարբեր տրամաչափի հրաձգային զինատեսակներ, ականանետներ, նռնականետներ և հարվածային ԱԹՍ-ներ։
Հայկական կողմն ունի 2 զոհ և 19 վիրավոր։
դեպի ետ