18.04.2021Ի՞ՆՉ ՎԱԽԵՐ ՈՒՆԻ ՓԱՇԻՆՅԱՆԸ, ԵՐԲ ՄՆՈՒՄ Է ԻՆՔՆ ԻՐ ՀԵՏ ՄԵՆԱԿ. հոգեբանի բացառիկ վերլուծությունը
Ինչ հոգեվիճակում է այսօր գրչի մեկ հարվածով Արցախը հանձնած, հայ զինվորին դավաճանած Փաշինյանը եւ նրա ընտանիքը այս եւ այլ հարցերի շուրջ զրուցել ենք հայտնի հոգեբան Միհրդատ Մադաթյանի հետ, ով անդրադառնալով վերոնշյալին նախ փաստեց.
– Միթե՞ մեզ պետք է հետաքրքրիր Փաշինյանի կամ իր ընտանիքի հոգեվիճակը։ Կարծում եք Նիկոլ Փաշինյանին կամ իր ընտանիքի անդամներին հետաքրքի՞ր է եղել ժողովրդի հոգեվիճակը երբևե...
Կարծում եմ այսօրվա դժվար իրավիճակի ուղղակի մեղավորը Նիկոլ Փաշինյանն է և իր ընտանիքը, ի միջի այլոց միակ ղեկավարի ընտանիքը, որն ամբողջ կազմով մասնակցել է ՀՀ պետական գործընթացներին և նույնիսկ պատերազմին... Այդ դեպքում ինչու՞ պետք է որևե մեկին հետաքրքրի նրա հոգեվիճակը։
Ես կարծում եմ, որ Նիկոլ Փաշինյանը այսօր գտնվում է՝ իրեն հանձնարարված խնդիրը լուծած մարդու հոգեվիճակում և նրանք ընտանիքով գտնվում են «ճամպրուկային տրամադրության» մեջ։ Դրա մասին են վկայում, ամբողջ ընտանիքով կատարվող այն հակաիմիջային քայլերը, որն այսօր մենք տեսնում ենք...
– Պարոն Մադաթյան, զղճման որեւէ էլեմենտ նկատո՞ւմ եք նրա գործողություններում:
– Ի՞նչ զղջման մասին է խոսքը։ Զղջում տեղի է ունենում երբ մարդը սխալվում է... Երբ տեղի են ունենում իրադարձություններ, որոնք ինքը հենց գնահատում է որպես բացասական... Երբ քննադատական հայացք կա։ Իրականում ես համոզված եմ, որ Փաշինյանը այս երեք տարում իրականացնրել է հստակ պլանավորած գործողություններ և եթե իր տեսանկյունից նայենք՝ իրականացրել է իր առջև դրված ծրագիրը։
Կարծում եմ այն թատերական բեմադրությունը, որ խաղաց և շարունակում է խաղալ Փաշինյանը բացառապես կապված էր այն բանի հետ, որ կային որոշակի պարտավորություններ, որոնք դեռ չէին կատարվել նրա կողմից։
Իհարկե դեռևս 2018 թվականի սկզբից ես խոսում եմ այն մասին, որ Փաշինյանը և «հեղաշրջում» պրոեկտը, ֆինանսավորվել և ֆինանսավորվում է ադրբեջանի և թուրքիայի կողմից և բնականաբար սպասարկելու է նրանց շահերը։ Այժմ արդեն, հետադարձ հայացք նետելով վստահ կարող ենք ասել և փաստարկել, որ «Նիկոլ Փաշինյանը» ադրբեջանական պրոեկտ է և իրականացրել է, ադրբեջանի համար տասնյակ տարիներով անհասանելի, իսկ մեր համար՝ ազգադավ, ազգաքանդ, հայրենադավ բոլոր պլանները։
Վերջապես տեսեք, թե ինչ ոգևորությամբ են պաշտպանում Փաշինյանին Ալիևը և Էրդողանը, երբ ընդդիմությունը մի քիչ հզոր ակցիաներ է կազմակերպում...
– Ի՞նչ վախեր ունի Փաշինյանը, երբ մնում է ինքն իր հետ մենակ:
– Վախե՞ր։ Իրականում Փաշինյանը ապրել է վախի մեջ իր ողջ կյանքում։ Դեռևս 90-ական թվականներին նրա վախերի պատճառով նա խուսափել է զին ծառայությունից... Փաշինյանի վախերը հիմնականում մորթապաշտական են։ Նրա արժեքային համակարգում իսպառ բացակայում են այնպիսի հասկացություններ, ինչպիսիք են՝ ընտանիքը, Հայրենիքը...
Այդ վախերից էլ ձևավորվում են նրա շահադիտական հայացքները։ Ընդհանուր առմամբ Փաշինյանը մանկական վախերի և բարդույթների մի լուրջ կծիկ է, որից էլ բխում են նրա՝ գետտոյական-ագրեսիվ կոչերը, ատելությունը՝ բարեկեցիկ ապրողների նկատմամբ, ատելությունը՝ հերոսների նկատմամբ, մարդկանց, ովքեր իրենց կյանքում ունեն ավելի բարձր արժեքներ քան այն կենադանական արժեքներն են, որով շարժվում է ինքը և իր ընտանիքը։
– Ինքախեղման, ինքնասպանության որեւէ միտումներ տեսնո՞ւմ եք նրա մեջ:
– Իհարկե ոչ։ Էգոցենտրիզմի այն աստիճանը, որն առկա է Փաշինյանի մոտ, ոչ մի կերպ թույլ չի տա նման քայլի գնալ։ Ես ասել եմ և էլի կասեմ՝ Փաշինյանը հոգեկան հիվանդ չէ, և սխալ կլինի նրան դիտարկել որպես հոգեկան խանգարումներ ունեցող մարդ։ Այո, Փաշինյանը ունի բազմաթիվ հոգեբանական խանգարումներ և այդ առումով խեղված մարդ է, սակայն պիտակավորելով նրան որպես «հոգեկան խանգարումներ ունեցողի», մենք ավտոմատաբար, այս 3 տարում տեղի ունեցածի պատասխանատվությունը հանում ենք իր վրայից, հիմնավորելով, որ անմեղսունակ է և ավտոմատաբար այս ամեն կատարվածի ամբողջ պատասխանատվությունը ընկնում է այն անկեղծ և միամիտ ժողովրդի վրա, ովքեր անկեղծ մղումներով, 2018 թվականին ուզում էին լավացնել իրենց հայրենիքը, բարեփոխել և արմատախիլ անել այն վատը, որը կար...
Մի խոսքով կարող եմ ասել, որ եթե Նիկոլ Փաշինյանը իր վարքագծում ունենար ինքնասպանության գնալու միտումներ, ապա դա կիրականացներ 2020 թվականի նոյեմբերի 9-ի լույս 10-ի գիշերը... Հասկանալի պատճառներով։ Այնինչ, ինչպես տեսնում եք, հերիք չի այդ տրագիկ օրվանից հետո նա փորձեց իրենց ռեաբիլիտացիայի ենթարկել, այլև սկսեց ներկայացրեց այդ հայենադավ ակտը, որպես հայպահպան... Նման էգոցենտրիզմ ունեցող, նման լկտիության աստիճան ունեցող, նման կերպով ոչ մի արժեք և սրբություն չունեցող և մորթապաշտ անձը ոչ մի դեպքում ինքնասպանության չի գնա։
– Պարոն Մադաթյան, որն՞ է պատճառը, որ հասարակությունը անտարբեր է առկա իրողություններին:
– Հասարակությունը խաբված է։ Ստորաբար խաբված։ Դեռևս 90 ական թվականներից, Նիկոլ Փաշինյանը և իր թիմակիցները հետևողաբար ստեր են հորինել և այդ ստերը ամրապնդել հորինված և փողով գնված փաստերով, այնպես, որ հասարակությունը ընդունել է այդ ստերը որպես աքսիոմատիկ ճշմարտություն։ Սրա վառ օրինակն էր 2008 թվականին հորինված «մարտի 1»-ի լեգենդը, որը այս տարվի հօդս ցնդեց։ Փորձեք հիշել թե նմանատիպ քանի լեգենդներ են հորինվել և դրանցով կերակրվել է ժողովուրդը։ Այո Լևոն Տեր-Պետրոսյան, Նիկոլ Փաշինյան, Խաչատուր Սուքիասյան, Ստյոպիկ Սաֆարյան... Այս ցուցակը կարող եք ինքներդ շարունակել։ Մարդիկ, ովքեր որդի պես, տասնյակ տարիներ կրծել են Հայրենիքը, թողնելով միայն Հայոց պետականությունը, որովհետև ուղղակի մինչև 2018 թվականը հնարավորություն չեն ունեցել այն էլ փչացնելու։ 2018 թվականին, հենց այս լեգենդներով, Աբաջյանի կեղծ պապով, սուտ խոստումներով այս ազգադավները եկան իշխանության՝ խաբելով միամիտ ու ազնիվ հանրությանը և այս 3 տարվա ընթացքում, այդ հանրությունը, շերտ առ շերտ, իրեն խաբված զգալով հիասթափություն է ապրել։ Իսկ ոչ-ոք չի կարող ժխտել, որ 2018 թվականին բացարձակապես բացակայում էր տրամաբանությունը։ Կար միայն հավատ և էմոցիայի չափազանց բարձր շեմ։ Ելնելով այս ամենից, իհարկե տրամաբանական է և անխուսափելի այսօրվա հիասթափությունը, մանավանդ 2020 թվականի նոյմբերի 9-ի կապիտուլյացիոն փաստաթղթից և հայրենիքը վաճառելու այս ակնհայտ փաստից հետո։
Կարծես թե փորձեցի բացատրել այսօրվա հիասթափության պատճառը։ Այն իրական է և հիմնավորված։ Կարծում եմ, բոլորս պետք է մեծ ջանքեր գործադրենք հասարակությանը այս «մեծ դեպրեսիայից» հանելու համար։ Այլապես Հասարակությունը չի հավատալու և ոչ մեկի՝ նույնիսկ եթե լինի Քրիստոսի երկրորդ գալուստը Հայաստանում, ապա հասարակությունը հայհոյելու է մեսսիային և մերժելու...
Զրույցը՝ Իլոնա Ազարյանի
www.iravunk.com
դեպի ետ