ԱՐՑԱԽԸ ՈՂՋՈՒՆՈՒՄ Է ԱՄՆ 44-ՐԴ ՆԱԽԱԳԱՀԻՆ, ակնկալելով ԱՄՆ նոր վարչակազմի հետ համագործակցության ընդլայնում
ԼՂՀ նախագահ Բակո Սահակյանը շնորհավորել է ԱՄՆ նորընտիր նախագահ Բարաք Օբամային նախագահական ընտրություններում հաղթանակ տանելու կապակցությամբ՝ այն համարելով նշանակալի իրադարձություն Ամերիկայի և ընդհանրապես ժողովրդավարության պատմության մեջ։
Նոյեմբերի 6-ի նամակում նախագահ Սահակյանը բարձր է գնահատել ամերիկյան տնտեսական աջակցությունը Լեռնային Ղարաբաղին և նրա միջնորդական ջանքերը որպես Մինսկի խմբի համանախագահող երկիր։ Բակո Սահակյանը համոզմունք է հայտնել, որ նոր վարչակազմի ձևավորմամբ «երկու երկրների միջև կապերը կդառնան ավելի ամուր և բազմակողմ»։
ԱՄՆ 44-րդ նախագահ Բարաք Օբաման հավանություն է տվել ԱՄՆ-ՀՀ հարաբերությունների հետագա զարգացմանը և հանդես է եկել հօգուտ 1915թ. Ցեղասպանության ընդունման։ Նա նաև կոչ է արել Ղարաբաղյան հակամարտության խաղաղ կարգավորման այնպիսի տարբերակ գտնել, որն «ընդունելի կլինի բոլոր կողմերի համար և կհիմնվի ժողովրդավարության ու ինքնորոշման սկզբունքի վրա»։
ԱՄՆ-ում ԼՂՀ գրասենյակ
դեպի ետ