02.03.2009«ԱՅԹՄԱՏՈՎԸ ԵՎ ԱՐԴԻԱԿԱՆՈՒԹՅՈՒՆԸ»
Փետրվարի 26-27-ին ԱՊՀ Հումանիտար համագործակցության միջպետական հիմնադրամի (ՀՀՄՀ) հովանու ներքո Բիշքեկում «Այթմատովը և արդիականությունը» խորագրով Միջազգային հումանիտար համաժողով տեղի ունեցավ, որը նվիրված էր համաշխարհային գրականության դասականի 80-ամյակին և ամփոփում էր ԱՊՀ երկրներում Գրականության և ընթարցանության տարվա արդյունքները։ Համաժողովին մասնակցեցին հարյուրից ավելի պետական և հասարակական գործիչներ, փորձագետներ, գիտության, մշակույթի, արվեստի և կրթության ներկայացուցիչներ Հայաստանից, Ռուսաստանից, Բելառուսից, Ղազախստանից, Ղրղըզստանից, Ուզբեկստանից, Ուկրաինայից, Ադրբեջանից և Թուրքիայից։ Ինչպես նշեց Ղրղըզստանի փոխվարչապետ Ուխթոմխան Աբդուլաևան, «համաժողովի գլխավոր նպատակն ապագայի համար հիմնական հանձնարարականների մշակումն էր»։
Հայաստանը համաժողովում ներկայացրին ռեժիսոր Կարեն Գևորգյանը և Ռուս-Հայկական (Սլավոնական) համալսարանի ռուս և համաշխարհային գրականության ամբիոնի վարիչ, «Նորավանք» ԳԿՀ «21-րդ ԴԱՐ» ամսագրի պատասխանատու խմբագիր Լիլիթ Մելիքսեթյանը։
դեպի ետ